Almatyda aqbóken múıizderin satpaq bolǵan 4 adam ustaldy

ALMATY. KAZINFORM – Almatyda 1212 dana aqbóken múıizin satpaq bolǵan tórt adam ustaldy. 

Olardyń bul zańsyz áreketi Almaty qalasy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri júrgizgen arnaıy is-sharanyń nátıjesinde anyqtaldy.

«Almaty oblysynyń aýmaǵynda Hyundai avtokóligi toqtatyldy, onyń ishin tintý barysynda 1212 aqbóken múıizi tabyldy jáne tárkilendi. Kúdiktiler PD-nyń ýaqytsha ustaý ızolıatoryna qamaldy. Qazir sotqa deıingi tergeý bastaldy», – dedi Almaty qalalyq polıtsııa departamenti bastyǵynyń orynbasary Qýatbek Naýatov.

QR QK-niń 201-babyna sáıkes ózge aqparat tergeý múddesine oraı jarııa etilmeıdi.