Almatyda Aqan Seri kóshesiniń bir bóligi ýaqytsha jabylady
ALMATY. KAZINFORM — Aqan Seri kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysy ýaqytsha shekteledi.
Almaty ákimdiginiń málimetinshe, osyǵan baılanysty 14 shilde saǵat 20:00–den 19 shilde saǵat 06:00–ge deıin Seıfýllın dańǵylynan Kotelnıkov kóshesine deıingi aralyqta kólik qozǵalysy tolyqtaı jabylady.
Jóndeý júrgiziletin ýchaskede eskertý jol belgileri men merdiger uıym basshysynyń baılanys aqparaty kórsetilgen aqparattyq taqta ornatylady.
— Júrgizýshilerden qozǵalys baǵytyn aldyn ala josparlaýdy suraımyz, — dep eskertti ákimdik ókilderi.
Aıta keteıik, jol qozǵalysyna engizilgen barlyq ýaqytsha shekteý týraly aqparat @AlmatyJoly Telegram-arnasynda, ákimdiktiń áleýmettik jelilerindegi resmı paraqshalarda, sondaı-aq 2GIS jáne «ıAndeks Kartalar» qosymshalarynda jarııalanady.
Eske salaıyq, buǵan deıin Almatyda Tóle bı kóshesin uzartý jobasy aıasynda júrgiziletin qurylys-montaj jumystaryna baılanysty kólik qozǵalysy ýaqytsha shekteletinin habarlaǵanbyz.
Qala ákimdiginiń habarlaýynsha, 14 shildeden 25 tamyzǵa deıin Tóle bı kóshesiniń Áshimov kóshesinen Alataý kóshesine deıingi aralyǵynda kólik qozǵalysy tolyqtaı jabylady.
