Almatyda aǵashtarǵa zamanaýı tehnologııanyń kómegimen dıagnoz qoıylady
Almaty shirigen jáne qýraǵan aǵashtardy anyqtaý úshin rezıstograftar men ımpýlstik tomograftardy satyp alǵan Qazaqstandaǵy alǵashqy qala boldy, dep jazdy Kazinform.
Ekolog Bolat Ámirǵalıev atap ótkendeı, nemis jabdyqtary tamyr júıesinde jáne aǵashtyń basqa bólikterinde ımpýlstardyń kómegimen shiriktiń bar-joǵyn kórýge múmkindik beredi. Bul jasyl keńistiktiń zaqymdanýy týraly jedel qorytyndy alýǵa jáne qala úshin qaýipti azaıtýǵa kómektesedi. Almatyda osy maqsat úshin barlyǵy 8 rezıstograf jáne 2 ımpýlsti tomograf satyp alyndy.
«Búgin biz olardy Baým toǵaıy men basqa da qala saıabaqtaryn zertteý úshin paıdalanýdy josparlap otyrmyz. Qurylǵy sol jerde apatty jáne kári aǵashtardy anyqtaýǵa kómektesedi», - dedi ekolog Bolat Ámirǵalıev.
Bıyl qala turǵyndary men olardyń múlkiniń qaýipsizdigi úshin shirigen ózegi men tamyr júıesi saldarynan 17 myńǵa jýyq aǵash kesildi. Yqtımal qaýipti aǵashtardy anyqtaý protsesinde ǵylymı ınstıtýttardyń ǵalymdary muqııat taldaý júrgizedi.
