Almatyda aǵash qulaǵan úıge ákimdik kómek kórsetedi

ALMATY. KAZINFORM – Almatyda bir ǵasyrlyq aǵash Begalın kóshesinde ornalasqan jeke úılerdiń birine qulady. Tótenshe oqıǵadan zardap shekkender joq.

Turǵyndar sózinshe, aǵash jeke úı aýmaǵynda ornalasqandyqtan resmı mekemeler emendi kesip, shyǵarýdan bas tartqan. Al aǵash kesýmen aınalysatyn kompanııalar jarty mıllıonǵa jýyq aqsha suraǵan. Nátıjesinde aǵash úıdiń shatyryna qulaǵansha tura bergen.

Atalǵan jaǵdaıǵa baılanysty Almaty qalasynyń ekologııa jáne qorshaǵan orta basqarmasy málimdeme jasap, Medeý aýdany ákimdiginiń zardap shekken úı ıelerine kómektesetinin habarlady.

- Almaty qalasynyń jasyl jelekti kútip-ustaý jáne qorǵaý qaǵıdalary jeke turǵyn úılerdiń aýmaqtary men saıajaılarda ósetin jasyl jelekterge qoldanylmaıdy. Apatty aǵashtardy kesý jáne shyǵarý jeke qarajat esebinen júzege asyrylady. Alaıda oqıǵanyń mán-jaıyn eskere otyryp, Medeý aýdanynyń ákimdigi turǵyndarǵa kómek kórsetedi. Qulaǵan aǵashty alyp, tazalaý jumystary júrip jatyr, – dep habaraldy Almaty qalasynyń ekologııa jáne qorshaǵan orta basqarmasynan.