Almatyda adam ómirine qaýip tóndiretin alkogol ónimderi tabyldy
ALMATY. KAZINFORM – Almaty qalasy Memlekettik kirister departamentiniń qyzmetkerleri jeke kásipkerdiń úıin tekserý barysynda kontrafaktilik aktsızdeletin ónimdi tapty.
«Atap aıtqanda, spırttiń erekshe ıisi bar qoıý sur tústi 1200 lıtr kóleminde suıyqtyǵy bar kanıstrler, 870 qańyltyr syra jáne kontrafaktili temeki ónimi-sáıkestendirý quraldary joq jáne 760 paket mólsherinde anyqtalmaǵan úlgidegi sáıkestendirý quraldary bar temeki tabyldy», - dep habarlady departamentten.
Zańsyz ónimniń jalpy quny 2,2 mln teńge. Anyqtalǵan derek boıynsha materıaldar protsestik sheshim qabyldaý úshin sotqa joldandy.
«Joǵaryda atalǵan tárkilengen aktsızdeletin ónim azamattardyń ómiri men densaýlyǵyna eleýli qaýip tóndiretinin atap ótken jón. Almaty qalasy boıynsha Memlekettik kirister departamenti azamattardy kúmándi shyqqan alkogol ónimderi men temeki ónimderin satyp alý kezinde qyraǵy bolýǵa shaqyrady», - delingen vedomstvo habarlamasynda.
