Almatyda adam ólimimen aıaqtalǵan jol apaty: jeńil kólik júrgizýshisi qamaýǵa alyndy

ALMATY. KAZINFORM – Almatyda Maqataev pen Masanshy kósheleriniń qıylysynda adam ólimine ákelip soqqan jol-kólik apatyna qatysty qylmystyq is qozǵaldy. Bul týraly polıtsııa departamentinen málim etti. 

Jol apatyna sebepker bolǵan jeńil kólik júrgizýshi ustalyp, ýaqytsha ustaý ızolıatoryna qamaldy. Aıta keteıik, rólde áıel adam bolǵan. 

«Qoǵamdyq kólik qozǵalysynyń jyldamdyǵyn anyqtaý turǵysynda saraptama taǵaıyndaldy. Oqıǵanyń basqa da mán-jaılary anyqtalýda», - delingen habarlamadan.

Eske salaıyq, Almatyda 18-shi baǵyttaǵy avtobýs apatqa ushyrap, bir adam qaza tapty. 

Almaty qalasynyń Densaýlyq saqtaý basqarmasy avtobýstyń ishinde bolǵan jolaýshylardyń 25-i zardap shekkenin málimdedi. 

Keıin qoǵamdyq kólik kamerasy túsirgen beınejazba jelide tarady.