Almatyda Abylaı han dańǵyly men Momyshuly kóshesi ýaqytsha jabylady
ALMATY. KAZINFORM — Almatyda LRT jobasyn iske asyrý aıasynda Abylaı han dańǵyly men Momyshuly kóshesiniń jekelegen bólikterinde kólik qozǵalysyna ýaqytsha shekteý engiziledi.
24 qazan saǵat 08:00–den 26 qazan saǵat 20:00–ge deıin Abylaı han dańǵylynyń Raıymbek dańǵylynan Týzov kóshesine deıingi bóliginde jol jabylady.
Sonymen qatar 24–29 qazan aralyǵynda saǵat 22:00–den 10:00–ge deıin Momyshuly kóshesiniń Móńke bı kóshesinen ońtústikke qaraı ornalasqan bólikterinde jáne Rysqulov dańǵylymen qıylysynda kólik qozǵalysy shekteledi.
Jóndeý jumystary júrgiziletin aýmaqta eskertý belgileri ornatylady. Almaty ákimdigi turǵyndardan jol júrý baǵytyn aldyn ala josparlaýdy suraıdy.
Eske salsaq, Almatyda úsh avtobýstyń baǵyty ózgeretini habarlandy.
