Almatyda Abaı kúni qalaı atap ótiledi
ALMATY. KAZINFORM –Almatyda Abaı kúnine oraı ádebı, mádenı jáne aǵartýshylyq baǵyttaǵy birqatar is-shara uıymdastyrylady.
Almaty ákimdiginiń málimetinshe, negizgi is-sharalardyń biri – Almaty Summer Fest jobasy aıasynda ótetin «Abaı álemi» kontsert-spektakli. Ol 8 tamyz saǵat 18:00-den 22:00-ge deıin «Alataý» dástúrli óner teatrynyń aldyndaǵy alańda ótedi. Qoıylymnan keıin merekelik kontsert uıymdastyrylady.
Baǵdarlamada Maqpal Júnisova, Janar Dýǵalova, 6ellucci, KeshYou, Ashat Tarǵyn, IL Canto kvarteti, Talǵat Kúzembaev, Erlan Bilál, Nurlybek Naǵmetov, Serik Isahan, Nurlan Berdibaev, Birjan Demeuly, ISATAY óner kórsetedi. Sondaı-aq «Alataý» dástúrli óner teatrynyń artısteri, «ALATAÝ» ansambli jáne Medeý aýdanynyń shyǵarmashylyq ujymdary sahnaǵa shyǵady.
10 tamyz saǵat 08:30-da Abaı alańynda qala ákimdigi ókilderiniń, qoǵam qaıratkerleri men zııaly qaýym ókilderiniń qatysýymen aqyn eskertkishine gúl qoıý rásimi ótedi.
Odan bólek is-sharalar tizimi:
8 tamyz
16:00, Naýryzbaı aýdanynyń komıýnıtı ortalyǵy (Shuǵyla shaǵynaýdany, 340B) – «Abaı óleńderi» akýstıkalyq keshi.
10 tamyz
10:00, №176 mektep-gımnazııa kitaphanasy – «Danalyqtyń dara joly – Abaı» mektep oqýshylary arasyndaǵy mánerlep oqý baıqaýy.
11:00, №24 kitaphana (4-Aınabulaq shaǵynaýdany, 174) – «Adamzattyń alyby – hakim Abaı» ádebı-mýzykalyq keshi.
11:00, №6 kitaphana (Tatar kóshesi, 32) – «Ólmeıtuǵyn artyna sóz qaldyrǵan» ádebı-poezııalyq keshi.
11:00, №14 kitaphana (Rımskıı-Korsakov kóshesi, 3) – «Abaı murasy – ulttyń rýhanı qazynasy» tanymdyq saǵaty.
11:00, №29 kitaphana (Orbıta-4 sh/a, 10) – «Uly dala úni – Abaı» ádebı-mýzykalyq keshi.
11:00, Muhtar Áýezov atyndaǵy kitaphana (Abaı dańǵyly, 141) – «Abaı murasy jáne qazirgi jastar: rýhanı jańǵyrý men jańa kózqaras» taqyrybyndaǵy dóńgelek ústel.
11:00, Alatau Creative Hub ortalyǵy (Nurkent shaǵynaýdany, 5/11) – «Abaı sózi – urpaqqa amanat» poezııa keshi.
12:00, Naýryzbaı aýdanynyń komıýnıtı ortalyǵy (Shuǵyla shaǵynaýdany, 340B) – «Abaı oqýlary» ádebı keshi.
14:00, №1 kitaphana (L. Tolstoı kóshesi, 36) – «Asyl sózdi izdeseń, Abaıdy oqy, erinbe…» ádebı podıýmy.
14:00, №32 kitaphana (Dostyq dańǵyly, 42B) – «Abaı» kúni. «Abaıdy oqy, tany, úlgi al!» portrettik keshi.
14:00, Almaty kitaphanalarynyń fılıaly (Rozybakıev kóshesi, 247/7) – «Hákim Abaı – ult rýhanııatynyń temirqazyǵy» ádebı-mýzykalyq keshi.
16:00, Esentaı ózeniniń jaǵalaýy – «Jaǵalaýdaǵy Abaı» ınstallıatsııalyq jobasynyń tanystyrylymy. Joba qala turǵyndary men qonaqtaryn uly aqynnyń shyǵarmashylyǵy jáne rýhanı murasymen tanystyrýǵa baǵyttalǵan.
Sonymen qatar 10 tamyzda №6 Oqýshylar úıiniń aýmaǵynda uly qazaq aqyny, aǵartýshysy ári oıshyly Abaı Qunanbaıulynyń shyǵarmashylyǵyna arnalǵan art-galereıa uıymdastyrylady.
Eske salaıyq, 150 jas sýretshi Abaı murasyn qylqalammen dáriptedi.
