Almatyda Abaı dańǵylynyń bir bóligi 3 kúnge jabylady

ALMATY. KAZINFORM – Almatyda Abaı dańǵylyn qala shekarasyna deıin uzartý jumystary júrip jatyr. Bul týraly Almaty ákimdigi habarlady.

20 mamyr kúni saǵat 23:00-den bastap 23 mamyr kúni saǵat 16:00-ge deıin Abaı dańǵylynyń Alataý kóshesinen Stroıtelnaıa kóshesine deıingi bóligi boıynsha kólik qozǵalysy shekteledi. Aýmaqty Alataý kóshesi arqyly soltústik jáne ońtústik baǵytta aınalyp ótýge bolady.

Sonymen qatar 22 mamyr saǵat 23:00-den 27 mamyr saǵat 16:00-ge deıin Q.Medeýbekov kóshesi (Karernaıa kóshesi) qıylysyndaǵy qozǵalysqa shekteý qoıylady. Bul ýchaskeni ońtústik jaqtan Ý.Qaramanov, Grýshovaıa, Vınogradov kósheleri arqyly, sondaı-aq, Stroıtelnaıa kóshesimen soltústik jáne ońtústik baǵytta aınalyp ótýge bolady.

Almaty ákimdiginiń málimetinshe, Abaı dańǵylyn qala shekarasyna deıin uzartý jobasy osy jyly tolyq ashylady dep josparlanyp otyr. Qazirgi tańda 600 metrlik bólik boıynsha jumystar júrgizilip jatyr. Jalpy uzyndyǵy – 5,3 km.

Eske salaıyq, buǵan deıin Almatynyń Abaı, Tóle bı, Jubanov kóshelerin uzartý jumystary qashan aıaqtalatynyn jazǵanbyz.