Almatyda Abaı dańǵylyn uzartý jumystary aıaqtaldy

ALMATY. KAZINFORM – Abaı dańǵylynyń qala shekarasyna deıingi uzarǵan bóliginde qozǵalys ashyldy. Almaty qalalyq mobıldilik basqarmasynan málim etkendeı, stroıtelnaıa kóshesinen qala shekarasyna deıingi sońǵy 600 metr joldyń boıyndaǵy jumys aıaqtaldy. 

– Qazir joldyń eki jaǵynda jaıaý júrginshiler joly, velojoldar, qosymsha joldar jáne irgeles aýmaqty kórkeıtý jumystary qolǵa alyndy. Abaı dańǵylynyń B.Momyshuly kóshesinen bastalatyn uzarǵan bóliginiń jalpy uzyndyǵy – 5,3 shaqyrym. Bul baǵytta alty jolaqty jol, Qarǵaly ózenindegi kópir, Áshimov kóshesimen qıylysatyn jolaıyryq, 6 jerústi jaıaý júrginshiler ótkeli jáne 4 baǵdarsham nysany salyndy, - dep atap ótti basqarmadan.

Aıta keteıik, qazir Móńke bı kóshesinde uzartý jumystary aıaqtaldy. Rysqulov dańǵyly, Saın kóshesi, Soltústik aınalma joly jáne Tilendıev kóshesin uzartý jumystary jalǵasyp jatyr. 

Osyǵan deıin Almatynyń Abaı, Tóle bı, Jubanov kóshelerin uzartý jumystary qashan aıaqtalatyny týraly habarlaǵan edik. 

Eske salaıyq, buǵan deıin Almatyda kóshelerdi uzartý úshin 35 mlrd teńgege jer ýchaskeleri satyp alynǵanyn jazǵanbyz.