Almatyda Abaı dańǵyly bir túnge jabylady

ALMATY. KAZINFORM – Abaı dańǵylynda kólik qozǵalysy ýaqytsha shekteledi.

Almatyda jylý jelilerindegi jóndeý jumystary kezinde Abaı dańǵyly boıynda kólik qozǵalysyna shekteý qoıylady

«Almaty jylý júıesi» mekemesinen málim etkendeı, 25 shilde túngi saǵat 22:00-den 26 shilde tańǵy saǵat 08:00-ge deıin Abaı dańǵyly boıy Altynsarın kóshesinen «Saryarqa» metro stantsııasyna (Family saıabaǵy) deıingi aralyq jabylady.

Shyǵys baǵytta kólik qozǵalysy ashyq bolady. 

Ýaqytsha shekteýler mundaǵy kólik júretin joldyń astyndaǵy magıstraldy jylý júıelerin josparly jóndeýge baılanysty engizilip jatyr.

Kompanııa keltirilgen qolaısyzdyq úshin almatylyqtardan keshirim suraıdy.

Sonymen qatar, júrgizýshilerge jol júrý baǵytyn aldyn ala josparlaýǵa keńes beredi.