Almatyda 90 jyldyq tarıhy bar sport mektebi súriledi
ALMATY. KAZINFORM – Almatyda 1935 jyly salynǵan mektep-ınternaty súriledi. Bul týraly Almaty ákimi Erbolat Dosaev aıtty.
Megapolıs basshysy Almaly aýdanynyń turǵyndarymen kezdesýi barysynda Dosmuhamedov, 61 mekenjaıynda ornalasqan sport mektebi týraly suraqqa jaýap berdi.
Erbolat Dosaevtyń aıtýynsha, 1935 jyly salynǵan Sporttaǵy daryndy balalarǵa arnalǵan mamandandyrylǵan mektep-ınternatynyń qazirgi kúıi nashar. Sondyqtan onyń ornyna jańa ǵımarat salynady. Qazirgi ýaqytta jobalaý-smetalyq qujattama ázirlenip jatyr.
— Bul ǵımarat buzylady. Bizge bul nysan sáýlet eskertkishine jatatynyn aıtqandar boldy. Biraq balalardy mundaı «sáýlet eskertkishinde» ustaýǵa bolmaıtyny anyq. Ásirese, sport mektepterinde. Memlekettik saraptamanyń jaýabyn alǵannan keıin baıqaý ótkizemiz, qarajat qarastyrylǵan, — dedi qala ákimi.
Eske salaıyq, byltyr Erbolat Dosaev aldaǵy 3 jylda sport mektepteri jańartylatynyn aıtqan edi.