Almatyda 9 mamyr kúni birqatar kóshe ýaqytsha jabylady

ALMATY. KAZINFORM — Erteń 28 gvardııashy-panfılovshylar saıabaǵynda gúl shoqtary qoıylady.

Qalalyq mobıldilik basqarmasynyń málimetinshe, saltanatty rásimge baılanysty saıabaq aýmaǵynda kólik qozǵalysy ýaqytsha shekteledi.

Saǵat 07:00–den 12:00–ge deıin Qonaev — Jibek joly — Qazybek bı — Báribaev kósheleri aýmaǵynda kólik qozǵalysy toqtatylady. Bul aýmaqta avtoturaq ta ýaqytsha jabylady.

Sondaı-aq osy ýaqyt aralyǵynda Gogol kóshesi Ortalyq mádenıet jáne demalys saıabaǵynan Qonaev kóshesine deıin tolyqtaı jabylady.

— Osy kezeńde kólikterdi bul kóshe boıynda qaldyrmaýdy suraımyz, — dep eskertedi basqarmadan.

Odan bólek is-sharaǵa qatysýshylarǵa yńǵaıly bolý úshin 28 gvardııashy-panfılovshylar saıabaǵynan kelesi baǵyttar boıynsha birjaqty tegin tasymaldaý uıymdastyrylady:

— Dostyq dańǵyly (Tóle bı jáne Qazybek bı kósheleriniń arasy) — Abaı alańy — Ortalyq stadıon;

— Qaldaıaqov kóshesi (Gogol kóshesiniń ońtústiginde) — Halyq Arena;

— Gogol kóshesi (Qonaev kóshesiniń buryshy) — Raıymbek batyr dańǵyly / Abylaı han kóshesi;

— Qonaev kóshesi (Gogol men Qazybek bı kósheleriniń arasy) — «Sálem» bazary;

— Gogol kóshesi (Qaldaıaqov kóshesinen batysqa qaraı) — Almaty Arena.

Eske salaıyq, 9 mamyr kúni saǵat 21:00–de Abaı alańynda 500 dron qatysýymen shoý ótedi.