Almatyda 9 qazannan bastap jylý berile bastaıdy
ALMATY. KAZINFORM — Almatyda aýa temperatýrasynyń kúrt tómendeýine baılanysty jylytý maýsymyn ádettegiden erterek bastaý týraly sheshim qabyldandy.
«Almaty jylý júıesi» JShS málimetinshe, 9 qazannan bastap qalada ortalyq jylý júıesine qosý jumystary bastalady. Aldymen jylý áleýmettik nysandarǵa — balabaqshalarǵa, mektepterge jáne medıtsınalyq mekemelerge beriledi.
Turǵyn úılerdi ortalyq jylýǵa qosýdy 10 qazannan bastaý josparlanǵan. Jylý úıge berilgennen keıin PIK pen MIB mamandary ishki jylý júıelerin retteıdi. Olar radıatorlar men tikqubyrlardaǵy aýany shyǵaryp, qysymdy retteıdi jáne jylýdyń páterlerge birkelki taralýyn qamtamasyz etýi tıis.
— Jylý jelilerinde týyndaýy múmkin máselelerge jedel den qoıý úshin materıaldar men qajetti jabdyqtardyń qory jasaqtaldy. 2026-2027 jyldardaǵy jylytý maýsymynda 16 apattyq jáne jóndeý brıgadasy kezekshilik atqarady. Barlyǵy 220 maman men 56 tehnıka jumyldyrylady, — dep habarlady «Almaty jylý júıesi» JShS.
Eske salaıyq, buǵan deıin Oral qalasynda turǵyn úılerge jylý berile bastady.
Sondaı-aq Qyzylorda qalasyna jylý berildi.
