Almatyda 87 myńnan astam jańa jumys orny ashylady

ALMATY. KAZINFORM - Almatyda jyl basynan beri 19 483 jumys orny ashyldy, onyń 11 896-sy – turaqty, 7 587-si – ýaqytsha. 

Almaty qalasynyń jumyspen qamtý jáne áleýmettik baǵdarlamalar basqarmasynan atap ótkendeı, jyl sońyna deıin 87 025 jumys ornyn qurý josparǵa engizilgen. Onyń 68 387-si turaqty, 18 638-i ýaqytsha bolady. 

«Qalalyq mobıldilik ortalyǵyna ótinishter boıynsha jumyspen 20 462 adam qamtyldy: turaqty jumys oryndaryna – 2 725 adam, sýbsıdııalanatyn jumys oryndaryna – 7 587 adam, áleýmettik jumys oryndaryna – 519 adam, jastar praktıkasyna – 134 adam, qoǵamdyq jumystarǵa – 6 770 adam, kúmis jasqa – 122 adam», - dep atap ótti basqarmadan.

2023 jyly jumys kúshiniń sany 1 098 myń adamǵa jetti. Bul 2022 jyldyń osy kezeńimen salystyrǵanda 46 myń turǵynǵa artyq, onyń ishinde jumyspen qamtylǵan halyq sany – 1 045,5 myń adam (47,5 myń adamǵa kóp).

Buǵan deıin Almatyda jumysqa ornalasýǵa kómektesetin baǵdarlamalar týraly jazǵan edik.