Almatyda 8 naýryz merekesi qalaı toılanady

ALMATY. KAZINFORM — Almatyda Halyqaralyq áıelder kúnine oraı kontsert, kórme, teatr qoıylymdary jáne basqa da is-sharalar ótedi.

6 naýryz kúni Ahmet Baıtursynuly mýzeı-úıinde «Alash arystary jubaılary» atty tanymdyq dáris ótedi. Іs-sharaǵa Alash arystary urpaqtary Aıman Baısalova, Merýert Bákibaıqyzy, Janar Súleımanova, Jazıra Arǵyn jáne zertteýshi ǵalym qyzdar Svetlana Smaǵulova, Bekzada Qojekeeva, Gúljahan Orda, mýzeı qyzmetkerleri, JOO stýdentteri, qala turǵyndary men qonaqtary qatysady.

Sonymen qatar 6 naýryzda Almaty mýzeıinde «Dástúr. Óner. Ádemilik» atty kórme ashylady. Munda mýzeı qoryndaǵy dástúrli bas kıimder kollektsııasy men sýretshi Gúlnár Tabanovanyń jumystary qoıylady.

7 naýryz kúni saǵat 18:30–da «Alataý» dástúrli óner teatrynda «Anaǵa taǵzym» atty merekelik kontsert ótedi. Sahnada belgili ónerpazdar Áset Esjan, Shattyq Ýatqan, Nurbolat Uzaqbaı, Dıas Murathan, Tilek Bazarov jáne Narıman Ábdirahman óner kórsetedi.

8 naýryzda birqatar merekelik is-shara ótedi:

— Saǵat 17:00–de Yqylas atyndaǵy halyq mýzykalyq aspaptar mýzeıinde «Iirim» tobynyń «Álemniń syıy — áıelge» atty kontserti ótedi.

— Qýyrshaq teatry «Mama dlıa Mamontenka» spektaklin qazaq tilinde saǵat 14:00–de, orys tilinde saǵat 12:00–de sahnalaıdy.

— Saǵat 19:00–de «Artıshok» teatrynda «Samruq» bı trýppasy «Aýyl» qoıylymyn sahnalaıdy. Іs-shara zamanaýı horeografııa festıvali aıasynda ótedi.

Sondaı-aq 7 jáne 8 naýryzda Almaty halyqaralyq áýejaıynda Almaty qalasynyń tarıhy mýzeıi qoryndaǵy dástúrli zergerlik buıymdardyń kóshpeli kórmesi uıymdastyrylady.

Qalanyń ártúrli aýdandarynda da merekelik is-sharalar ótedi:

— 6 naýryz kúni 11:00–de Naýryzbaı aýdanynda Innovatsııalyq shyǵarmashylyq ortalyǵynda «Halyqaralyq áıelder kúni» atty kontserttik baǵdarlama ótedi;

— Alataý aýdanynda 6 naýryzda saǵat 15:00–de Innovatsııalyq shyǵarmashylyq ortalyǵynda kontsert ótedi;

— Túrksib aýdanynda 6 naýryz kúni saǵat 16:00–de Oqýshylar úıinde merekelik kontsert ótedi;

— Medeý aýdanynda 7 naýryz kúni saǵat 11:00–de Jambyl atyndaǵy fılarmonııada merekelik kontsert ótedi;

— Jetisý aýdanynda 7 naýryzda saǵat 12:00–de mádenıet úıinde merekelik kontsert ótedi.

Eske salaıyq, buǵan deıin elordada 8 naýryz merekesine oraı qandaı is-sharalar ótetinin jazǵanbyz.