Almatyda 8 naýryz merekesi qalaı ótedi

ALMATY. KAZINFORM – 8 naýryz qarsańynda Almatynyń barlyq aýdanynda merekelik is-sharalar ótip jatyr.

Almaly aýdanynda búgin saǵat 15:00-de «Kóktem qushaǵynda» kontserti ótedi. Merekelik is-shara Qazaq ulttyq qyzdar pedagogıkalyq ýnıversıtetinde uıymdastyrylady.

Áýezov aýdanynda 5 naýryz saǵat 15:00-de «Kóktem shýaǵy» kontserti bolady. Ótetin orny - Narhoz ýnıversıteti. Dál sol ýaqytta Alataý aýdanynyń Innovatsııalyq shyǵarmashylyq ortalyǵynda merekelik is-shara uıymdastyrylady.

Odan bólek búgin Túrksib aýdanynyń №6 Oqýshylar úıinde, Bostandyq aýdanynyń «Konkordııa» teatrynda, Naýryzbaı aýdanynyń Innovatsııalyq tehnologııalar ortalyǵynda merekelik baǵdarlamar ótip jatyr.

Erteń saǵat 14:00-de Áýezov aýdanynyń Saryarqa skverinde Ardagerler keńesi jáne Belsendi uzaq ómir súrý ortalyǵy uıymdastyratyn «Asyl áje» retro-kontserti ótedi.

Medeý aýdanynda ornalasqan Jambyl atyndaǵy Qazaq memlekettik fılarmonııasynda 6 naýryz saǵat 11:00-de «Áıelmen álem ádemi» kontserti jáne kópbalaly analardy «Altyn alqa» jáne «Kúmis alqa» tósbelgilerimen marapattaý rásimi bolady.

7 naýryz kúni saǵat 12:00-de Jetisý aýdanynyń mádenıet úıinde «Arýlar — asyl jandar» kontserti ótedi.

Eske salaıyq, elordada halyqaralyq áıelder kúnine arnalǵan merekelik Gala Vallet ótedi.