Almatyda 7 jasar qyzdy júk kóligimen basyp ketken júrgizýshige úkim shyqty
ALMATY. KAZINFORM – Almatyda jaıaý júrginshiler ótkelinde 7 jastaǵy qyzdy qaǵyp ketken júk kóligi júrgizýshisine qatysty sot úkimi shyqty.
Qaıǵyly oqıǵa bıyl 2 sáýir kúni Alataý aýdanynda boldy. Renault markaly júk kóliginiń júrgizýshisi Býrýndaıskaıa kóshesimen kele jatyp Novaıa kóshesiniń qıylysynda joldan ótip bara jatqan 7 jasar qyzdy anasynyń kózinshe basyp ketti.
Tergeý nátıjesinde Alataý aýdandyq soty júrgizýshini QR Qylmystyq kodeksiniń 345-baby 3-bóligi (Kólik quraldaryn paıdalaný qaǵıdalaryn buzý, abaısyzda adam ólimine ákep soqqan is-áreket) boıynsha kináli dep tanydy. Oǵan 2 jyl 6 aıǵa bas bostandyǵynan aıyrý jáne 5 jyl merzimge kólik quraldaryn basqarý quqyǵynan aıyrý jazasy taǵaıyndaldy.
Apellıatsııalyq sot úkimdi ózgerissiz qaldyrdy.
Eske salaıyq, 7 jasar qyzdyń ómirin qıǵan jol apatyna baılanysty avtobýs júrgizýshisi de jazalandy.
Sondaı-aq sarapshylar mundaı qaıǵyly jaǵdaı qaıtalanbaýy úshin júk kólikterine qandaı talap pen shekteý qoıylýy kerek ekenin aıtty.