Almatyda 7 baldan joǵary jer silkinisi bolý yqtımaldyǵy tómen

ALMATY. KAZINFORM – Bıyl magnıtýdasy 5,5 asatyn, silkinis qarqyny epıtsentrinde 7 baldan joǵary jer silkinisi bolý yqtımaldyǵy tómen. Bul týraly Seısmologııa ǵylymı-zertteý ortalyǵy málim etti.

Seısmologııalyq baıqaý jáne zertteýler ulttyq ǵylymı ortalyǵy dırektorynyń ǵylym jónindegi orynbasary Elızaveta Esenjigitovanyń aıtýynsha, seısmolog mamandar, Almaty aımaǵynda kúshti jer silkinisin boljaýdyń úsh merzimdi boljam-baılamyn jasaıdy.

«Bıyl jyl basynda Almaty seısmıkalyq qaýipti óńiri úshin 2024 jylǵa arnalǵan orta merzimdi boljamy jasaldy, boljam boıynsha jyl barysynda magnıtýdasy 5,5 asatyn, silkinis qarqyndylyǵy epıtsentrinde 7 balldan joǵary jer silkinisi bolý yqtımaldylyǵy tómen»,- dep jaýap berdi Elızaveta Esenjigitova Kazinform tilshisiniń saýalyna.

Aıta keteıik, búgin saǵan 10- da Almaty turǵyndary jer silkinisin sezindi.

Sondaı-aq almatylyqtarǵa jer silkinisi týraly SMS-habarlama kelgen joq.