Almatyda 676 stýdentke 50 mln teńge stıpendııa men ótemaqy tólendi
ALMATY. KAZINFORM – Almaty qalasynyń prokýratýrasy Halyqaralyq bıznes jáne kommýnıkatsııa kolledjiniń 676 stýdentiniń zańdy quqyǵyn qalpyna keltirip, 50 mıllıon teńge bereshekti tolyq ótetti, dep habarlaıdy Almaty qalalyq prokýratýrasynyń baspasóz qyzmeti.
Qalalyq prokýratýra júrgizgen tekseris barysynda Halyqaralyq bıznes jáne kommýnıkatsııa kolledji stýdentteriniń quqyqtary buzylǵany anyqtaldy. Oqý ornynyń bilim alýshylary tıisti memlekettik stıpendııa men jol júrý shyǵyndarynyń ótemaqysyn ýaqytynda almaǵan.
Tólenbeı kelgen qarajattyń jalpy somasy 50 mıllıon teńgeni qurady. Qadaǵalaý aktisin engizý nátıjesinde zańbuzýshylyqtar tolyq joıylyp, qaryz tolyǵymen óteldi. Sonyń nátıjesinde kolledjdiń 676 stýdentiniń zańdy quqyqtary qalpyna keltirildi.
Osyǵan deıin Astana prokýratýrasy memleketke 9,8 mlrd teńge óndirý týraly 11 talap qoıǵan bolatyn.
