Almatyda 670 túlek «Altyn belgige» úmitker
ALMATY. KAZINFORM – Bıyl Almatyda 670 túlek «Altyn belgi» alýy múmkin. Bul týraly qalalyq bilim basqarmasy málim etti.
Basqarmadan habarlaǵandaı, 2024–2025 oqý jylynda Almaty qalasynda 349 465 bala bilim aldy. Sonyń ishinde 18 myńnan astamy – 11-synyp oqýshysy.
– Osy 1 764 túlek mektepti úzdik bitirdi, 670 oqýshy «Altyn belgige» úmitker. Ulttyq biryńǵaı testileýge 11-synyp oqýshylarynyń 92,1 paıyzy – ıaǵnı 17 522 adam – qatysatynyn rastady, – dep atap ótti vedomstvodan.
Aıta keteıik, bıyl Almaty mektepteriniń túlekteri qalalyq jáne respýblıkalyq olımpıada da top jardy. Jaratylystaný-matematıkalyq jáne qoǵamdyq-gýmanıtarlyq baǵyttar boıynsha birinshi oryndy ıelenip, 66 medal men gran-prı jeńip aldy.
Osyǵan deıin el boıynsha, 217 myńǵa jýyq mektep túleginiń 183 myńy UBT tapsyratyny týraly jazǵan edik.
Sondaı-aq Oqý-aǵartý mınıstri Ǵanı Beısembaev mektep bitirip, úlken ómirge qadam basyp jatqan jetkinshekterge keńes bergen edi.