Almatyda 6 jasar balany urǵan kúdiktige qatysty is qozǵaldy
ALMATY. KAZINFORM – Almatydaǵy meıramhanalardyń birindegi oıyn bólmesinde er adam 6 jastaǵy balany urdy.
Bul týraly aqparat áleýmettik jelide tarady. Onda balaǵa qol kótergen azamattyń Almaty qalasy ákimdigi janyndaǵy Qoǵamdyq keńestiń múshesi ekeni aıtylǵan.
Anasynyń aıtýynsha, belgisiz er adam 6 jasar balanyń keýdesinen eki ret urǵan. Sol sátte bala arqasyn ustap, qınalyp, ne isterin bilmeı qalǵan. Bólmede otyrǵan jasóspirim qyz er adamǵa eskertý jasaǵan kezde, oǵan da aıǵaılaǵan. Balanyń anasy kelgende er adam keshirim suraýdyń ornyna dóreki sóılegen.
Almaty qalalyq Polıtsııa departamenti atalǵan derek boıynsha, óylmystyq is qozǵalǵanyn málimdedi.
– Medeý aýdandyq polıtsııa basqarmasy qylmystyq is qozǵady. Obektıvti mán-jaılar anyqtalǵannan keıin protsestik sheshim qabyldanatyn bolady. Sonymen qatar ýchaskelik ınspektor oqıǵa ornyna «102» pýltine habar túskennen keıin 6 mınýt ishinde keldi, - dep habarlady Almaty qalalyq polıtsııa departamentiniń baspasóz qyzmeti.
Osyǵan deıin bıyl elde 4 aıdyń ishinde balalarǵa qatysty 1 309 qylmys tirkelgeni týraly jazǵan edik.