Almatyda 6 kólik soqtyǵysyp, 5 adam zardap shekti

ALMATY. KAZINFORM – Almatynyń ál-Farabı dańǵylynda iri jol apaty bolyp, birneshe kólik soqtyǵysty.

Qalalyq polıtsııa departamenti baspasóz qyzmetiniń habarlaýynsha, jol apaty 31 qazan kúni shamamen saǵat 22:50 kezinde Bostandyq aýdanynda bolǵan.

Foto: threads.com/@tam1rka.axaxa

BMW markili kóliginiń júrgizýshisi ál-Farabı dańǵylymen shyǵysqa qaraı ketip bara jatyp, joldyń qarsy betine shyǵyp ketip, alty kólikpen soqtyǵysqan.

-Jol apaty saldarynan bes adam medtsınalyq kómekke júgindi. Apattyń mán-jaıyn Bostandyq aýdandyq polıtsııa basqarmasynyń qyzmetkerleri anyqtap jatyr,-dep habarlady Alaty qalalyq polıtsııa departamentiniń baspasóz qyzmeti.

Osyǵan deıin Aqtóbede ákesiniń kóligin aıdap ketken jasóspirimniń jol apaty kezinde kóz jumǵany týraly jazdyq.