Almatyda 50 jeke sot oryndaýshysy jaýapqa tartyldy
ALMATY. KAZINFORM – Almaty prokýrorlary jeke sot oryndaýshylaryn jaýapqa tartty. Bul týraly qala prokýratýrasy málim etti.
Almaty qalasynyń prokýratýrasy ákimshilik aıyppuldar men salyq bereshekterin óndirip alý týraly atqarýshylyq qujattardyń zańdylyǵy turǵysynan taldaý jasady.
«JSO-nyń 1000-nan astam boryshkerge qatysty olardyń banktik shottaryna jáne múlkine tyıym salý jóninde sharalar qabyldamaǵan faktileri anyqtaldy, jalaqydan bereshekti ustap qalý júrgizilmegen, sondaı-aq elden tys jerlerge shyǵýǵa shekteý qoıylmaǵan. Buzýshylyqtar boryshkerlerdiń sot aktilerin oryndaýdan uzaq ýaqyt jaltarýyna jáne bıýdjetke qarajat túspeýine ákep soqtyrdy, osylaısha jazanyń bultartpastyq qaǵıdaty buzyldy. Qala prokýratýrasynyń qadaǵalaý aktisi boıynsha 50 jeke sot oryndaýshylary tártiptik jaýaptylyqqa tartyldy, 1 JSO-ǵaqatysty ony palatadan shyǵarý rásimine bastama jasaldy», — delingen habarlamada.
Qabyldanǵan sharalardyń nátıjesinde 75 mln teńgeden astam qarjy óndirildi.