Almatyda 50-ge jýyq urlyq jasaǵan alty qylmystyq top ustaldy
ALMATY. KAZINFORM – Almatyda 2026 jyldyń basynan beri múliktik qylmystardyń sany 23%-ǵa azaıdy. Páterler men avtokólikterge zańsyz kirý, uıaly telefondardy urlaý jáne qalta urlyǵy derekteri aıtarlyqtaı tómendegen. Bul týraly Almaty polıtsııa departamentiniń resmı ókili Saltanat Ázirbek aıtty.
Polıtsııa málimetinshe, menshikke qarsy qylmystardyń negizgi túrleri boıynsha oń dınamıka baıqalady. Atap aıtqanda, páter urlyǵynyń sany 26%, avtokólikterden jasalǵan urlyqtar 34%, qalta urlyǵy 7,7%, al uıaly telefondardy zańsyz ıemdený jaǵdaılary 18% tómendegen.
Salatan Ázirbektiń aıtýynsha, jyl basynan beri polıtseıler bótenniń múlkin urlaýǵa mamandanǵan alty qylmystyq topty ustady. Olardyń quramynda shamamen 50 qylmystyq epızodqa qatysy bar degen kúdikke ilingen 36 adam bolǵan.
Jalpy múliktik qylmystar azaıǵanymen, jaz mezgilinde Almatyda velosıped, moped jáne samokat urlyǵy kóbeıedi. Mundaı jaǵdaılardyń kóbi ıeleriniń salǵyrttyǵynan bolatyn kórinedi. Olar kólikterin qaraýsyz qaldyryp, bekitpeıdi nemese adam sırek júretin jerlerge qoıady.
Polıtsııa departamentiniń málimetinshe, jyl basynan beri Almatydaǵy qalalyq beınebaqylaý júıeleriniń kómegimen bótenniń múlkin urlaýǵa qatysty úsh myńǵa jýyq qylmys ashylǵan.
Eske salaıyq, buǵan deıin páter urylarynan qalaı qorǵaný kerek ekeni jóninde jazǵanbyz.
