Almatyda 5-sanattaǵy órt qaýiptiligi jarııalandy

ALMATY. KAZINFORM – Jyl basynan beri Almatyda qurǵaq shóp janýynyń 300-den astam jaǵdaıy tirkeldi.

Almaty qalasy TJD málimetinshe, qalada 28 shildege deıin kúndizgi temperatýra 35–39°C deıin kóteriledi. Sondyqtan megapolıstiń aımaqtarynda órt qaýiptiliginiń 5-shi sanaty saqtalyp otyr. Mundaı jaǵdaıda kez kelgen ushqyn iri órtke ákep soǵýy múmkin.

Qázirgi tańda Ákimshilikpen birlesip, 104 shaqyrym aýmaqtaǵy qurǵaq shóp shabylǵan.

- Qala turǵyndary men qonaqtarynan qurǵaq shóp janyndaǵy ot jaǵýdan, shylym shegýden jáne shóp pen sabandy órteýden bas tartýdy suraımyz, - dep habarlady TJD.

Departament órt saldarynan aýyr zardaptar oryn alsa, kináli tulǵalar qylmystyq jaýapkershilikke tartylýy múmkin ekenin eskertedi.

Eske salaıyq, buǵan deıin Almatyda Keńsaı-1 aýmaǵyndaǵy taý bókterinde órt shyqty.
https://kaz.inform.kz/news/almatinda-kensay-1-aumagindagi-tau-bokternde-shikkan-ort-okshaulandi-6cafc5/

Sondaı-aq Almaty mańyndaǵy taýly aımaqta qurǵaq shóp órtendi.