Almatyda 5 myńnan astam páterde ýaqytsha gaz bolmaıdy
ALMATY. KAZINFORM — Almatynyń Naýryzbaı aýdanynda eki kúnge gaz berý toqtatylady.
«QAZAQGAZ AIMAQ» AQ Almaty óndiristik fılıalynyń málimetinshe, 10–12 tamyz aralyǵynda «Tóle bı kóshesin uzartý» jobasy aıasynda orta jáne tómen qysymdy gaz jelilerin qaıta kóshirý jumystary júrgiziledi.
Osyǵan baılanysty kórsetilgen kezeńde Sabdenov — Alataý — Áshimov — Raıymbek kósheleriniń shekarasyndaǵy turǵyn úıler men ózge de nysandarǵa gaz berý ýaqytsha toqtatylady.
Jalpy aýdan boıynsha 1 153 jeke turǵyn úı, 515 kóppáterli turǵyn úı (barlyǵy 5 112 páter) jáne 5 óndiristik kásiporynda gaz bolmaıdy.
Eske salaıyq, Almatyda MIB pen PIK qaryzdary kommýnaldyq tólem túbirteginde kórsetiledi.
