Almatyda 43 kompanııa kóriktendirý erejesin buzǵan
ALMATY. KAZINFORM — Almatyda 30 qyrkúıekten bastap júrgizilgen monıtorıng qorytyndysy boıynsha kóriktendirý erejesin buzǵan 43 kompanııa ákimshilik jaýapkershilikke tartyldy.
«Eco Almaty» JShS málimetinshe, salynǵan aıyppuldardyń jalpy somasy 5,7 mıllıon teńgege jetti.
Trotýarlarǵa brýschatka tóseý jáne jıektas ornatý kezinde zań buzýshylyqtyń kóp bolǵany anyqtaldy. Belgilengen talaptardy saqtamaǵany úshin 33 kompanııa jaýapkershilikke tartyldy. Bul tártip buzǵan kompanııalardyń jalpy sanynyń 77%-na teń.
Sonymen qatar ǵımarattardyń qasbetin jóndeý kezinde talaptardy buzǵan bes uıym, káriz jáne ınjenerlik jelilerdi tartý barysynda tórt kompanııa, al aryq jelilerinde jumys júrgizý kezinde bir kompanııa zańbuzýshylyqqa jol bergen.
— Anyqtalǵan zań buzý boıynsha jalpy somasy 1 340 aılyq eseptik kórsetkish (AEK), ıaǵnı 5,7 mıllıon teńge ákimshilik aıyppul salyndy, — dep málimledi ákimdik.
Qurylys nysandaryna monıtorıng Almaty aýmaǵynda ekologııalyq talaptar men kóriktendirý erejeleriniń saqtalýyn baqylaýǵa baǵyttalǵan.
Eske salaıyq, Almatyda Jandosov kóshesindegi asfalt ne úshin alynyp jatqany aıtyldy.
