Almatyda 41 jyl qoldanylǵan qubyr aýystyryldy

ALMATY. KAZINFORM — Almatynyń Áýezov aýdanynda 41 jyl buryn paıdalanýǵa berilgen qubyr aýystyryldy.

Almatyda Saın – Tóle bı – Ótegen batyr – Raıymbek kósheleriniń aýqymynda uzyndyǵy 901 metr ýchaske qaıta jańartyldy.

1983 jyly paıdalanýǵa berilgen qubyr aýystyrylyp, qazirgi ýaqytta 17 kópqabatty turǵyn úı, bir balabaqsha men 4 basqa nysandy jylý jáne ystyq sýmen qamtamasyz etip tur.

— Bıyl qalada Almaty ákimi Erbolat Dosaevtyń tapsyrmasymen uzyndyǵy 20 shaqyrym jylý jelileri qaıta jańǵyrtyldy. Jańǵyrtý jumystary jyl saıyn jylytýaralyq kezeńde júrgiziledi, bıyl olar Almaty qalasynyń 6 aýdanynda atqaryldy, — dep habarlady ákimdikten.

Eske salaıyq, búgin Almatyda tozyǵy jetken jylý qubyry jaryldy.

Osyǵan deıin Almatyda kóshelerdi uzartý úshin 35 mlrd teńgege jer ýchaskeleri satyp alynatyny týraly jazǵan edik.

Budan bólek, 2025 jyly Almatyda 300 shaqyrym jol jóndeletini týraly jazǵan bolatynbyz.