Almatyda 40 jylǵa jýyq qoldanylǵan qubyr aýystyryldy

ALMATY. KAZINFORM — Qurmanǵazy kóshesinde Pýshkın kóshesinen Zenkov kóshesine deıingi qubyr jelisin aýystyrý jumystary aıaqtaldy.

Uzyndyǵy 305 metr ýchaske qaıta jańartyldy. 1986 jyly paıdalanýǵa berilgen qubyr aýystyrylyp, qazirgi ýaqytta 5 kópqabatty turǵyn úı men 4 basqa nysandy jylý jáne ystyq sýmen qamtamasyz etip tur. 

— Bıyl qalada Almaty ákimi Erbolat Dosaevtyń tapsyrmasymen uzyndyǵy 20 shaqyrym jylý jelileri qaıta jańǵyrtyldy. Jańǵyrtý jumystary jyl saıyn jylytýaralyq kezeńde júrgiziledi, bıyl olar Almaty qalasynyń 6 aýdanynda atqaryldy, - dep habarlady ákimdikten.

Osyǵan deıin Almatyda kóshelerdi uzartý úshin 35 mlrd teńgege jer ýchaskeleri satyp alynatyny týraly jazǵan edik.