Almatyda 40 jyl qoldanylǵan qubyr aýystyrylady

ALMATY. KAZINFORM – Almaly aýdanynda 40 jyl buryn tóselgen jylý qubyry jańartylady.

– Almatyda aldaǵy jylytý maýsymyna daıyndyq aıasynda óz normatıvtik merzimin ótep bolǵan jylý jelilerin aýystyrý jumystary júrgizilip jatyr. Osyǵan baılanysty Almaly aýdanyndaǵy eki kóshede kólik qozǵalysy ýaqytsha shekteledi, - dep habarlady ákimdikten.

3 maýsymnan 6 shildege deıin Áıtıev kóshesimen Bógenbaı batyr kóshesinen bastap Tóle bı kóshesine deıin eki baǵytta jáne Qazybek bı kóshesimen Shókın kóshesinen bastap Isaev kóshesine deıingi aralyqta jol jabylady. 

1978-1989 jyldary tartylǵan, jalpy uzyndyǵy bir shaqyrym bolatyn jylýmen jabdyqtaý jelilerin aýystyrý josparda tur. Bul 13 kóppáterli úıdiń turǵyndaryn qys mezgilinde turaqty jylýmen qamtamasyz etýge múmkindik beredi. 

Qaıta jańǵyrtý jumystary kezinde turǵyndarǵa ystyq sý úzdiksiz beriledi. Osy jyly qala boıynsha 39 km jylý trassasyn jańǵyrtý kózdelgen. Bul tozý deńgeıin 54 paıyzǵa tómendetedi.

Osyǵan deıin Almatyda birneshe kóshe eki aıǵa jabylǵany týraly jazǵanbyz.