Almatyda 40 jyl buryn salynǵan jylý qubyrlary jańartylyp jatyr
ASTANA. KAZINFORM — Almaty qalasynyń Túrksib aýdanynda 2025 jylǵy 18–21 shilde aralyǵynda jylý jelilerin qaıta jańǵyrtýǵa baılanysty Aqan Seri kóshesiniń bir bóligi ýaqytsha jabylady. Bul týraly «Almaty jylý júıesi» JShS habarlaıdy.
Qozǵalys shekteýi 18 shilde kúni saǵat 23:00-den bastap, 21 shilde saǵat 06:00-ge deıin Aqan Seri kóshesiniń Kotelnıkov kóshesinen Seıfýllın dańǵylyna deıingi aralyǵynda kúshine enedi.
- Atalǵan ýchaskede 1983 jyly paıdalanýǵa berilgen, jalpy uzyndyǵy 3,5 shaqyrymdy quraıtyn jylý jelileri aýystyrylady. Qaıta jańǵyrtý jumystary joldaǵy qozǵalys qaýipsizdigin saqtaý maqsatynda josparly túrde júrgizilip otyr, - delingen aqparatta.
Jóndeý kezinde tutynýshylarǵa ystyq sý úzdiksiz jetkiziledi. Bul jeliler 90 kópqabatty úıdi, 5 jeke turǵyn úıdi, bir mektep pen bir qosymsha nysandy jylý energııasymen qamtamasyz etedi.
Jalpy, bıyl Almaty qalasy boıynsha 39 shaqyrym jylý jelisin jańǵyrtý josparlanǵan. Bul eski jelilerdiń tozý deńgeıin 54%-ǵa deıin tómendetýge múmkindik beredi.
Aıta keteıik, Almatyda gaz qubyry jarylysynan eki adam zardap shekken.