Almatyda 40 brıgada jaryqty táýlik boıy baqylaıdy
ALMATY. KAZINFORM – 2025 jyldyń alǵashqy úsh aıynda kóshelerdi jaryqtandyrý máseleleri boıynsha ótinishter sany 70% - ǵa-10 myńnan 2800-ge deıin tómendedi. Bul týraly «Almaty Qala Jaryq» MKK basshysy Igor Mysık málim etti.
– Qazir Almatyda kún saıyn táýlik boıyna 40 brıgada jumys isteıdi - bul bir jarym jyl burynǵydan bes ese kóp, – dedi ol.
Spıkerdiń sózinshe, aqaýdy joıý merzimi qazir 5 kúnnen aspaıdy, al jóndeý jumystary birneshe aptaǵa sozylýy múmkin.
– Komanda «soqyr aımaqtar» dep atalatyn-turǵyndar aýdan ákimdikteri arqyly habarlaıtyn jaryqtandyrylmaǵan ýchaskelerdi jedel anyqtaıdy,– dep túsindirdi ol.
Esterińizge sala keteıik, 2024 jyldyń basynan beri Almatyda osyndaı 82 ýchaske jaryqtandyryldy. 400-ge jýyq jańa sham, 15 km kabel, 400 tirek pen kronshteı ornatyldy.
Osyǵan deıin Almatyda 109,2 shaqyrym jańa jaryqtandyrý jelisi paıda bolatyny týraly jazǵanbyz.
Eske salaıyq, Prezıdent Qasym-Jomart Toqaev Almatyǵa jumys sapary kezinde qala ákimi Erbolat Dosaevty qabyldap, shahardy jaryqtandyrý, páterlerge sýdy ýaqtyly jáne tolyq berý, kósheler men aýlalardy abattandyrý boıynsha birqatar tapsyrma bergen bolatyn.