Almatyda 4 naýryzdan bastap Avtobys tólem júıesi iske qosylady

ALMATY. KAZINFORM – Almaty avtobýstarynyń birqatar marshrýtynda erteńnen bastap Avtobys júıesi arqyly jolaqy tóleýge bolady. 

Jol qozǵalysy jáne jolaýshylar kóligi basqarmasynyń málimetinshe, jańa qyzmet №51, 117, 219, 221, 228, 234 jáne 258 marshrýttarynda iske qosylady. Jelige Avtobys tólem qurylǵylarymen jabdyqtalǵan 82 avtobýs shyǵarylady. 

Jolaýshylar jolaqyny QR-kod, Bluetooth, kólik nómiri, NFC nemese bank kartasy arqyly Avtobys mobıldi qosymshasy arqyly tóleı alady. Tólem birneshe sekýnd ishinde jasalyp, birden rastalady. 

Qyzmetti paıdalaný úshin App Store, Google Play nemese AppGallery dúkeninen Avtobys qosymshasyn júktep, telefon nómiri boıynsha tirkelip, smart-ámııan balansyn toltyrý qajet.

– Avtobys – Qazaqstannyń 20-dan astam qalasynda jumys isteıtin tsıfrlyq tólem júıesi. Almatyda júıeni engizý qolma-qol aqshasyz tólem múmkindikterin keńeıtip, qalalyq kólikti turǵyndar men qonaqtar úshin zamanaýı ári yńǵaıly etedi, - dep habarlady vedomstvodan.

Eske salaıyq, buǵan deıin Almatydaǵy qoǵamdyq kólikterde biryńǵaı jańa tólem júıesi engiziletinin jazǵanbyz.