Almatyda 4 myńǵa jýyq adam sot sheshimimen júrgizýshi kýáliginen aıyryldy

ALMATY. KAZINFORM – Byltyr 3993 almatylyq júrgizýshi kýáliginen aıyryldy

Jergilikti polıtsııa qyzmetiniń málimetinshe, ótken jyly Almatynyń joldarynda 2 508 júrgizýshi mas kúıinde kólik júrgizgeni úshin ustalǵan. Bul jaǵdaı jol qozǵalysy qatysýshylarynyń qaýipsizdigine úlken qater tóndirip otyr.

– Sot sheshimimen 3 993 júrgizýshi júrgizýshi kýáliginen aıyryldy, al 2 365 júrgizýshige ákimshilik qamaý sharasy qoldanyldy. Almaty polıtsııasy osy máselege qatysty dabyl qaǵyp, tanymal tulǵalar arqyly turǵyndarǵa túsindirý jumystaryn qolǵa aldy. Sportshylar, ánshiler, ártister ózderiniń beınejoldaýlarynda júrgizýshilerdi mas kúıinde rólge otyrmaýǵa shaqyrady,– dep habarlady vedomstvodan.

Tártip saqshylarynyń aıtýynsha, mundaı jumystar jol qozǵalysyndaǵy tártipti jaqsartýǵa jáne jol apattarynyń aldyn alýǵa septigin tıgizedi.

Osyǵan deıin byltyr jol apatynan 105 adam mert bolyp, 7 myńnan astam azamat jaraqat alǵany týraly jazǵan edik.