Almatyda 4 myń orny bar stýdentter jataqhanasy salynyp jatyr

ASTANA. KAZINFORM —  Ǵylym jáne joǵary bilim vıtse-mınıstri Gúlzat Kóbenova stýdentter úshin jataqhanadaǵy oryn tapshylyǵy máselesi qalaı sheshilgenin aıtyp berdi.

Vıtse-mınıstr Prezıdent tapsyrmasyna sáıkes, sońǵy 5 jylda jataqhanalar kóptep salynǵanyn atap ótti.

– Eger bes jyl buryn jataqhanadaǵy oryndarǵa suranys 82,5 myń oryn bolsa, búgingi kúni 6,8 myń orynǵa deıin azaıdy. Almaty qalasynan basqa barlyq óńirde jataqhana tapshylyǵy máselesi sheshilgen, – dedi G.Kóbenova Ortalyq kommýnıkatsııalar qyzmetinde ótken brıfıngide.

Bul rette kásipkerler memlekettik-jekeshelik áriptestik aıasynda jataqhana qurylysyna qatysqan.

– Mysaly Petrorpavlda 1200 oryndyq jataqhanada, Astanada L.Gýmılev atyndaǵy EUÝ-da 2656 orynǵa jataqhana berildi. Almaty qalasynda odan da iri jataqhana qurylysy júrip jatyr, onda 4 myńnan astam stýdentke oryn bolady. Oǵan qosa, oqytýshylarǵa 300-den astam oryn bólinedi, – dedi Gúlzat Kóbenova.

Aıta keteıik, stýdentter jataqhanadan oryn alýǵa onlaın ótinish bere alady.