Almatyda 4 kólik pen avtobýs soqtyǵysyp, 23 adam zardap shekti

ALMATY. KAZINFORM — Almatyda jol apatynan 23 adam zardap shekti.

Almaty qalasy polıtsııa departamenti málimetinshe, jol-kólik oqıǵasy saǵat 18:10–da Alataý aýdanynda bolǵan. Borandaı tasjolymen shyǵys baǵytta júrip kele jatqan júk kóligi qatarlas júrgen Mercedes jáne Kia kólikterine soqtyǵysqan. Onymen qozǵalysy toqtamaı joldyń qarama-qarsy betine shyǵyp, avtobýspen jáne Subaru kóligimen soqtyǵysqan.

— Nátıjesinde 23 adam medıtsınalyq kómekke júgindi. Bul derek boıynsha resmı tergeý jumystary bastaldy, — dep habarlady departamentten.

Eske salaıyq, buǵan deıin Almatyda kólikpen soqtyǵysqan avtobýs ǵımaratqa kirip ketkenin jazǵanbyz.