10:40, 11 Sáýir 2024 | GMT +6
Almatyda 4 aı buryn joǵalyp ketken er adamnyń denesi tabyldy
ALMATY. KAZINFORM – Almatyda 2023 jyldyń jeltoqsan aıynda iz-túzsiz joǵalyp ketken er adamnyń denesi tabyldy.
Lider.kz eriktiler instagram-paraqshasyndaǵy málimetke sáıkes, 1990 jyly týǵan Rshımov Aııan Edigeuly 2023 jyldyń 13 jeltoqsan kúni joǵalyp ketken.
Keshke qaraı Medeý aýdany, Talǵat Bıgeldınov kóshesi, 74 mekenjaıyndaǵy úıinen shyǵyp, sol kúıi qaıtyp oralmaǵan.
Eriktilerdiń aıtýynsha, er adam qaıtys bolǵan. Onyń denesi 10 sáýirde tabyldy.
Almaty qalalyq polıtsııa departamenti aqparatty rastady.
«Óz-ózine qol salý deregi boıynsha tergeý júrip jatyr. Oqıǵanyń sebebi men mán-jaıy anyqtalyp jatyr», - dep habarlady vedomstvodan.
