Almatyda 350 qurylys kompanııasynyń lıtsenzııasy toqtatyldy
ALMATY. KAZINFORM – Almatyda qurylys salasyna baqylaý kúsheıtildi.
Almaty ákimdiginiń málimetine sáıkes, baqylaý is-sharalarynyń qorytyndysy boıynsha 4 kompanııa lıtsenzııasynan aıyryldy. Odan bólek 350 qurylys kompanııa lıtsenzııasynyń qoldanylýy toqtatyldy. Qurylys qyzmetimen aınalysatyn 437 sýbektige qatysty zańnamaǵa sáıkes tıisti sharalar qabyldandy.
- Áleýmettik mańyzy bar nysandardyń qurylysyn júzege asyratyn merdiger uıymdardyń qyzmetine erekshe nazar aýdaryldy. Atap aıtqanda, «SK BEST Spec Story KZ» JShS jobalaý qyzmetiniń І sanattaǵy memlekettik lıtsenzııasynan aıyryldy. Sonymen qatar «Otaý-Qurmet» JShS men «QazQSǴZI» AQ EU lıtsenzııalarynan aıyryldy. Al «Sáýlet Qurylys Konsaltıngi» JShS lıtsenzııasynyń jekelegen qosalqy túriniń kúshi joıyldy, - dep habarlady ákimdikten.
Eske salaıyq, 2025 jyldyń qorytyndysy boıynsha 8 qurylys kompanııasy lıtsenzııasynan aıyrylǵan bolatyn. Olardyń basym bóligi áleýmettik nysandardyń qurylysyn júzege asyrǵan.
Buǵan deıin Almatyda «E-lıtsenzııalaý» júıesi arqyly zańsyz lıtsenzııa alǵan 400-den astam kompanııa anyqtalǵanyn jazǵanbyz.
