Almatyda 35 mln teńgeni óndirýge kedergi keltirgen jeke sot oryndaýshysy sottaldy
ASTANA. KAZINFORM — Almaty qalasynyń prokýratýrasy jeke sot oryndaýshynyń boryshkerdiń bank shottarynan buryn salynǵan tyıym salýlardy zańsyz alǵandyǵyn anyqtady.
Jeke sot oryndaýshynyń zańsyz áreketteri nátıjesinde boryshker óndirip alýǵa jatatyn aqsha qarajatyna óz betinshe bılik etý múmkindigine ıe bolǵan. Biraq óndirip alýshyǵa 35,6 mln teńge kólemindegi aqsha aýdarylmaǵan.
— Sot úkimi boıynsha jeke sot oryndaýshy Qazaqstan Respýblıkasy Qylmystyq kodeksiniń 251-baby 1-bóligimen (jeke sot oryndaýshynyń ókilettigin teris paıdalanýy) kináli dep tanyldy. Sot oǵan jeke sot oryndaýshy qyzmetimen aınalysý quqyǵynan aıyra otyryp, 1 jyl 6 aı merzimge bas bostandyǵyn shekteý túrindegi jaza taǵaıyndady, — delingen habarlamada.
Buǵan deıin Pavlodar oblysynda 53 jeke sot oryndaýshysy 535,6 mln teńge kirisin jasyrǵanyn jazǵanbyz.
