Almatyda 35 myń oryndyq jańa stadıon qaıda salynatyny belgili boldy

ALMATY. KAZINFORM — Almatyda jańa fýtbol stadıony salynady.

Almatyda halyqaralyq deńgeıdegi zamanaýı stadıon boı kótermek. Jańa arena 35 myń kórermenge eseptelip, ÝEFA-nyń 4-sanat talaptaryna saı keledi.

Joba aıasynda jattyǵý alańdary, jankúıerlerge arnalǵan demalys oryndary, zamanaýı qaýipsizdik júıeleri jáne aýmaqty abattandyrý qarastyrylǵan.

Stadıon Qulja men Talǵar tas joldarynyń arasynda, aýmaǵy shamamen 15 gektar jerde salynady. Bul aýmaq bolashaqta qala úshin kólik-logıstıkalyq habqa aınalady.

— Prezıdenttiń tapsyrmasyna sáıkes jumysty jedeldetýimiz qajet. Keler jyly qurylys-montaj jumystary bastalýy tıis, — dedi Almaty ákimi Darhan Satybaldy.

Sonymen qatar 65 jyldan astam tarıhy bar Ortalyq stadıon saqtalyp, jeńil atletıka ınfraqurylymy eskerile otyryp jańǵyrtylady. Ol Almaty sport tarıhynyń bir bóligi bolyp qala bermek.

Eske salaıyq, buǵan deıin Almatyda stadıon qurylysy úshin jer telimderi memleket qajettiligine alynatynyn jazǵanbyz.

Sondaı-aq Almatyda qandaı sporttyq nysandar salynatynyn jazǵan edik.