Almatyda 34 jer telimi májbúrli túrde memleket menshigine alynady

ALMATY. KAZINFORM — Almatyda Hmelnıtskıı jáne Muqanov kóshelerin uzartý josparlanyp otyr. 

Ol úshin jalpy 34 jer telimi, onyń ishinde Hmelnıtskıı kóshesi úshin 27 ýchaske, Muqanov kóshesi úshin 7 ýchaske alynady.

Almaty ákimdiginiń 2025 jylǵy 10 qyrkúıektegi № 3/470-1188 qaýlysyna sáıkes, Medeý jáne Túrksib aýdandarynda, «Qaırat» shaǵyn aýdanynan Talǵar tas jolyna deıingi aralyqta ornalasqan 27 jer telimi memleket muqtajyna alynady.

Májbúrlep ıelikten shyǵarý merzimi 2027 jyldyń 31 jeltoqsanyna deıin belgilengen. Menshik ıelerinen alynǵan jer telimderi jol ınfraqurylymyn damytý basqarmasyna beriledi.

Sondaı-aq Almaty qalasy ákimdiginiń 2025 jylǵy 6 qazandaǵy № 4/675-1247 qaýlysyna sáıkes, Muqanov kóshesin Gogol kóshesinen Raıymbek dańǵylyna deıin uzartý úshin Almaly aýdanynda ornalasqan 7 jer ýchaskeci memleket muqtajyna alynady. Májbúrlep ıelikten shyǵarý merzimi — 2027 jyldyń 31 jeltoqsany.

Eske salaıyq, Jubanov kóshesin Momyshuly kóshesinen qala shekarasyna deıin uzartý úshin 365 jer ýchaskesiniń 120-sy satyp alyndy. Odan bólek Rysqulov dańǵylyn Ońǵarsynova kóshesinen qala shekarasyna deıin uzartý úshin 220 jer ýchaskesiniń 183-i satyp alyndy.