Almatyda 300 myń sharshy metrden astam jol tańbasy syzylady
ALMATY. KAZINFORM – Almatyda jol qozǵalysy qaýipsizdigin qamtamasyz etý úshin jol tańbalaryn jańartý jumystary júrip jatyr.
Jol qozǵalysyn uıymdastyrý jáne jolaýshylar kóligi basqarmasynyń málimetinshe, kólik qozǵalysyn júıeleý jáne jolda qozǵalys tıimdiligin arttyrý maqsatynda jol boıyndaǵy tańbalardy syzý jumystary bastaldy. Jalpy jumys kólemi keminde 300 myń sharshy metr jol tańbasyn qamtymaq.
- Tańbalar negizinen túngi ýaqytta syzylady. Bul kólik qozǵalysyna túsetin júktemeni azaıtyp, jumysty jedel ári tıimdi oryndaýǵa jaǵdaı jasaıdy. Jumystar kezeń-kezeńimen, basym ýchaskelerdi, kólik qozǵalysynyń qarqynyn jáne turǵyndardyń ótinishin eskere otyryp júrgiziledi, - dep habarlady vedomstvo.
Odan bólek bıyl qala boıynsha 2 myńnan astam jaıaý júrginshi ótkelin jańartý josparlanyp otyr.
Eske salaıyq, buǵan deıin Tilendıev kóshesiniń batysyna qaraı Sátbaev kóshesiniń boıyndaǵy jaıaý júrginshiler ótkelinde jańa proektsııalyq jaryqtandyrý ornatyldy.
Sondaı-aq Almaty oblysynyń joldarynda lazerlik júıeler engizilgenin jazǵanbyz.
