Almatyda 300-den astam júz jasaǵan qarııa turady
ALMATY. KAZINFORM — 1 qazan — Qarttar kúnine oraı Kazinform tilshisi Almatydaǵy qarııalar sanyn eseptep kórdi. Almaty qarty eń kóp óńir ekeni anyqtaldy.
Ulttyq statıstıka bıýrosynyń Kazinform tilshisine bergen jaýaby boıynsha 2026 jyly Almatyda 292 842 qarııa turady. Bul qala halqynyń 12,5%-na teń. Ádettegideı egde jastaǵy áıelder sany kóbirek, ıaǵnı megapolıstegi qarttardyń 96 144-i atalar bolsa, 196 698-y ájeler eken.
Jas ereksheligi boıynsha 80-89 jastaǵy turǵyndar sany 31 270 adamǵa jetti. Onyń ishinde 8 817-si — erler, 22 453-i — áıelder.
Sondaı-aq 90-99 jastaǵy turǵyndar sany — 5 742 adam. Olardyń 1 664-i erler bolsa, 4 078-i áıelder.
Qazaqstanda jalpy 953 adam 100 jastan assa, sonyń 304-i Almatyda turady. Olardyń 227-i — ájeler, al 77-si — atalar. Bul — Qazaqstan boıynsha eń joǵarǵy kórsetkish.
Eske salaıyq, Astanada 110 myńnan asa zeınetkerge aqsha beriletini habarlandy.
