Almatyda 300-den astam moped pen samokat arnaıy turaqqa qoıyldy
ASTANA. KAZINFORM — Almatyda demalys kúnderi jol qozǵalysy erejelerin óreskel buzý faktilerin anyqtaýǵa jáne jol-kólik oqıǵalarynyń aldyn alýǵa baǵyttalǵan profılaktıkalyq reıdter ótkizildi.
Almaty qalasy polıtsııa departamenti baspasóz qyzmetiniń málimetinshe, moto kólik pen jeke mobıldilik quraldaryna erekshe nazar aýdarylyp otyr. Arnaıy turaqtarǵa 3 moped, 298 samokat, 1 elektr velosıpedi jáne 1 mototsıkl qoıyldy.
Jetisý aýdanynda polıtsııa qyzmetkerleri jol qozǵalysy erejelerin buzýdyń 152 faktisin anyqtady. Olardyń qatarynda kólik quraldaryn paıdalaný jáne jolaýshylardy tasymaldaý talaptaryn buzý derekteri bar.
— Joldaǵy qaýipsizdik árbir jol qozǵalysyna qatysýshynyń tártibine tikeleı baılanysty. Sondyqtan bizdiń mindetimiz — jol-kólik oqıǵalaryna ákelýi múmkin quqyq buzýshylyqtardy der kezinde anyqtap, olardyń saldaryna jol bermeý. Baqylaý turaqty túrde jalǵasady. Ásirese kólik qozǵalysy qarqyndy jáne jol-kólik oqıǵalary jıi tirkeletin ýchaskelerge erekshe nazar aýdarylady. Júrgizýshilerdi jol qozǵalysy erejelerin qatań saqtaýǵa, óz ómiri men aınalasyndaǵylardyń qaýipsizdigine qaýip tóndirmeýge shaqyramyz, — dep qorytyndylady Ǵalym Sarǵulov.
Buǵan deıin Almatyda «Sergek» elektrli samokat júrgizýshileriniń ereje buzý derekterin tirkeıtinin jazǵan edik.
