Almatyda 30 jeltoqsannan bastap kómir men suıyq otyn jaǵýǵa tyıym salynady
ALMATY. KAZINFORM – Almatyda 2026 jyldyń 30 jeltoqsanynan bastap qatty jáne suıyq otyndy paıdalanýǵa tyıym engiziledi. Bul týraly qalalyq ekologııa jáne qorshaǵan orta basqarmasy habarlady.
Atalǵan talaptar qalanyń gazdandyrylǵan aýmaqtaryna qatysty Qaǵıdalardyń 52-tarmaǵynda kózdelgen. Qujatqa sáıkes, gazǵa qosylý múmkindigi bar jeke turǵyn úılerde, monshalarda jáne kóppáterli úılerdi jylytatyn jekelegen qazandyqtarda qatty jáne suıyq otyndy paıdalanýǵa tyıym salynady.
Tótenshe jaǵdaı kezinde jylý jáne energııamen jabdyqtaýdyń rezervtik kózderin paıdalanýǵa ruqsat etiledi. Bul talaptar jylytý qazandyqtaryn paıdalanatyn sharýashylyq sýbektilerine de qoldanylady. Shyǵaryndylar kózderi lastaýshy zattardy tazartý qondyrǵylarymen mindetti túrde jabdyqtalýy tıis. Sonymen qatar arnaıy tehnıka, benzın jáne dızel generatorlary da ekologııalyq talaptarǵa sáıkes bolýy qajet.
- Osylaısha, shekteý tek monshaǵa ǵana emes, gazdandyrylǵan aýmaqtarda ornalasqan jeke turǵyn úılerge de qatysty. Qazirgi tańda Almatydaǵy jeke sektordyń gazdandyrý deńgeıi shamamen 99,6%. Bul úı ıeleriniń basym bóliginde tabıǵı gazǵa qosylýǵa tehnıkalyq múmkindik bar ekenin kórsetedi, - dep túsindirdi vedomstvo.
Eske salaıyq, 2025 jyldyń 30 jeltoqsanynda Almaty máslıhaty jańa ekologııalyq normalardy qabyldady.