Almatyda 3 adamnyń ómirin qıǵan avtobýs apaty: aıypty raqymshylyqqa iline me

ALMATY. KAZINFORM — Almatyda er adam avtobýs júrgizýshisin uryp, nátıjesinde kólik quraly 3 adamdy basyp ketti. Bul derek boıynsha Darhan Ahmetjanov 8 jylǵa sottaldy.

Іshki ister mınıstrligi Qylmystyq-atqarý júıesi komıtetiniń jaýabyna sáıkes, Darhan Ahmetjanov Konstıtýtsııasynyń 30 jyldyǵyna baılanysty raqymshylyqqa ilinbeıdi.

Sonymen qatar vedomstvo onyń naqty qaı túzetý mekemesinde otyrǵanyn «Jeke derekter jáne olardy qorǵaý týraly» zańǵa silteme jasaı otyryp, jarııa etýden bas tartty.

Eske salaıyq, 2023 jyly jeltoqsan aıynda Almatyda № 47 baǵyttaǵy qoǵamdyq kóliktiń ishinde Darhan Ahmetjanov janjal shyǵaryp, júrgizýshi áıeldi urǵan. Saldarynan áıel esinen tanyp, kólikti basqara almaı, aıaldamada turǵan bir top adamdy qaqqan. Apat saldarynan 7 adam zardap shegip, 3 adam qaıtys boldy.

Sot bul oqıǵa boıynsha Darhan Ahmetjanovty QR Qylmystyq kodeksiniń 351-babynyń 3-bóligi jáne 293-babynyń 1-bóligi boıynsha kináli dep tanyp, 8 jylǵa bas bostandyǵynan aıyrdy.

eksklıýzıv