Almatyda 290 zańsyz saýda nysany buzyldy

ALMATY. KAZINFORM – Almatyda zańsyz saýda nysandaryn buzý jumystary jalǵasyp jatyr.

Алматыда 290 заңсыз сауда нысаны бұзылды
Фото: Алматы әкімдігі

Almaty ákimdiginen málim etkendeı, monıtorıng barysynda 500-ge jýyq zańsyz ornalastyrylǵan statsıonarlyq emes saýda nysany anyqtaldy.

Osy jyldyń 4 aqpannan bastap kóshe saýdasy nysandaryn buzý jumystary júrip jatyr. Qazir memlekettik qor jerlerinde ornalasqan 290 súrildi. Qalǵan 210-y 15 naýryzǵa deıin búzylady. Kommýnaldyq qyzmetter bul nysandarǵa zańsyz qosylǵan ınjenerlik jelilerdi ajyratady.

– Sondaı-aq, osy jumys aıasynda 222 oıyn-saýyq apparaty (sılomerler) joıyldy. Buǵan qosa, qalada jer ýchaskelerine myqtap bekitilgen 32 kúrdeli qurylys anyqtaldy. Jumys toby olardy májbúrli túrde buzýdy uıymdastyrý maqsatynda sotqa talap-aryz jiberýge bastamashylyq jasady,– dep habarlady ákimdikten.

Zańsyz statsıonarlyq emes saýda nysandaryn anyqtaý jáne olardy buzý jumystaryn Almaty qalasynyń Kásipkerlik jáne ınvestıtsııalar basqarmasy men aýdan ákimdikteri júrgizedi.

Aıta keteıik, qalada 157 statsıonarlyq emes saýda nysandaryn ornalastyrýǵa arnalǵan 142 oryn bekitilgen.

Eske salsaq, buǵan deıin statsıonarlyq emes zańsyz saýda nysandardyń buzylatyny týraly jazǵan edik

Сейчас читают