Almatyda 29 naýryz kúni jol qozǵalysy ishinara shekteledi

ALMATY. KAZINFORM — Almaty qalasynyń Polıtsııa departamenti 29 naýryzda halyqaralyq is-sharalardyń ótýine baılanysty jol qozǵalysyna ishinara shekteý engiziletinin habarlady.

Polıtsııa málimetinshe, kelesi kóshelerde jol qozǵalysyna túzetýler engizilý múmkin: Maılın kóshesi, Qulja trakti, Buqtyrma kóshesi, Shyǵys avtomobıl aınalma joly, Ál-Farabı dańǵyly, Dostyq dańǵyly, Jarokov kóshesi, Abaı dańǵyly, Sátbaev kóshesi, Nazarbaev dańǵyly.

Odan bólek 29 naýryzda saǵat 00:00–den 14:00–ge deıin osy aýdanda turatyn azamattardyń avtomashınalarynan basqa, «Medeý» muz aıdyny jáne «Shymbulaq» kýrortyna barý jáne jol júrý úshin jabyq bolady.

— Qala turǵyndary men qonaqtaryn ýaqytsha sharalarǵa túsinistikpen qaraýǵa jáne keptelis jaǵdaılaryn boldyrmaý úshin qozǵalys baǵyttaryn aldyn ala túzetýge shaqyramyz, — dep habarlady qalalyq polıtsııa departamentinen.

Eske salaıyq, buǵan deıin almatylyqtar 22 mlrd teńge kólik salyǵyn tólegenin jazǵanbyz.