Almatyda 28 júrgizýshi masań kúıde ustaldy

ALMATY. KAZINFORM – Almatyda «Qaýipsiz jol» jedel aldyn alý is-sharasy ótip jatyr.

Almaty qalasy Polıtsııa departamentiniń málimetinshe, ótken demalys kúnderi megapolıste kólikti masań kúıde basqarǵan 28 júrgizýshi ustaldy. Jalpy jyl basynan beri qalada 800-den astam mas júrgizýshi anyqtalyp, zań aıasynda jaýapkershilikke tartylǵan. 

– Alkogoldik ishimdik iship, kólik tizgindegen adam tek óziniń ǵana emes, ózgeniń de ómirine qaýip tóndiredi. Polıtsııa mundaı quqyq buzýshylyqtardy anyqtaýdy jáne olardyń jolyn qatań túrde kesýdi jalǵastyrady. Biz azamattardy jaýapkershilikke shaqyramyz. Eger mas júrgizýshini baıqasańyz, birden polıtsııaǵa habar berińiz, - dedi Jergilikti polıtsııa qyzmeti basqarmasynyń bastyǵy Serik Shýmaev.

Eske salaıyq, buǵan deıin Almatyda kólikke oq atqandar ustalǵanyn jazǵan edik.